Көктөбедегі көшеттер көктей солды

Көгалдандыру акциясына 500-ге жуық адам қатысса, оның 200-ге жуығы студент­тер болды. Барлығы 40 мың түп «Сиверс» алма ағашы мен «Қазақстан», «Нұрсұлтан Назар­баев» сұрыптарындағы қыз­ғал­­дақтардың 500 мың данасы отыр­ғызылған еді.

 Осы ақпаратты көзі шалған ғалымдар жоғарыдағы алма мен қызғалдақтың сұрыпы Көктөбе бөктерінде тамыр жаймайтынын, мұның басы артық шығын екенін айтқан. Олардың түсіндіруі бойынша «Сиверс» сұрыпты алма көшеті тек тау бөктерінде, теңіз деңгейінен 900 метр биіктіктегі белдеуде ғана өседі.

«Сиверс» көшетінің әрқай­сысы кемінде 3-5 мың, «Назар­баев» қызғалдағының көшеті 200-500 теңгенің айналасында. Тамыры тас жарып шықпаған «Сиверс» жабайы алмалардың қатарын толықтырады деген-ді ғалымдар.

Жуырда әлеуметтік желі­лер­де Көктөбеде қурай бас­таған кө­шет­­тердің суре­ттері жа­рия­лан­­ды. Көгал­дан­дыру акциясына қа­тыс­қан­­дар көшеттерді түгел екпей, ма­ңайға шашып кетке­ні бел­гілі бол­ды. Тіпті қай­бірі целлофан қап­тардан шыға­рыл­маған да. Бір қапта 100 түп көшет бар. Экологтар бұл жерде жүздеген көшет егіл­мей қалғанын айтып отыр. Тіпті қа­ты­сушылар жұмыс құ­рал­­дары – күректерді өз­дері­­мен алып кетуді ес­тен шығарған.

Ке­йін белгілі болған­­дай, сенбі­лік­ке қатысқандар отыр­ғы­зыл­­уы тиіс алма кө­шеттері мен гүл тұқым­дарын жарым-жартылай көміп кеткен. Бұл деректі «Табиғатты қолдау» экологиялық қоға­мының белсенділері анық­тады. Осы оқиғаға қатысты Алматы қаласы әкімдігінде ішкі тексерулер басталды. Бұл туралы қала әкімінің бірін­ші орынбасары Ерлан Қожағапанов айтты. «Та­биғатты құтқару» жобасының жетекшісі Свет­лана Спатарға алғысымыз­ды білдіреміз. Әкім­д­ік деңгейінде жүргізіл­ген тексерулер барысында сен­білік болған кезде қура­ған көшеттер табылған аумақ­қа жа­уапты қызметкер жазаланды», дейді Ерлан Қожағапанов.

Алматы қаласы әкімдігінің бас­па­сөз бөлімі бұл мәселеге қала әкімі Бақытжан Сағын­таевтың өзі ара­ласуға тура келгенін айтты. Алматы әкімдігі «Жасыл» экономика басқармасының жетекшісі Ер­лан Сейтеновке, осы бас­қар­ма­ның бөлім басшысы Олжас Жанысбаевтарға қатаң сөгіс берілді. Алматы әкімдігінің хабарлауынша, Көктөбе етегінен табылған, қурап қалған ағаштарды алманың түрлі сұрыптарын дайындай­тын мекеме күтімге алыпты. Қура­май аман қалғандары келер жылы қайта отырғызы­лады. Ал экологтар болса топыраққа көміл­мей, шашылып жатқан қыз­ғал­дақ тұқымдарының өнуі екіталай екенін, Көктөбе бөктерін қазғанда топырақ босаңсып, көшуі мүм­кін болғандықтан, онда ағаш отыр­ғы­зу­ға болмайтынын айтады.

Әрине қала басшылығы­ның ниеті түзу, Алматының жасыл қа­лаға айналғанын қалайды. Кінә­рат өзімізде болып тұр. Адам­­дарды қоғамның игілігі жо­лын­дағы ортақ мақсаттарға жұмыл­ды­ратын сенбіліктер сөз жоқ керек. Бірақ кейбір кезде оның басым көпшілігі көз алдау үшін ұйым­дас­ты­рылатынын көріп жүрміз.