Премьер-Министрдің бірінші орынбасары – қаржы министрі Әлихан Смайылов Еуразиялық экономикалық комиссия кеңесінің кезекті отырысына қатысты. Бұл туралы Премьер-Министрдің баспасөз қызметі хабарлады.
ЕЭК Кеңесінде ішкі нарықтардың жұмыс істеуі, халықаралық ынтымақтастық, кедендік және техникалық реттеу, ЕАЭО сандық күн тәртібі, санитарлық және фитосанитарлық шаралар мәселелері қаралды.
Еуразиялық экономикалық комиссияның ЕАЭО ішкі нарығындағы алып тастауларды, шектеулер мен кедергілерді жою бойынша жұмыстардың барысы туралы ақпараты тыңдалды.
ЕЭК кеңесі жұмысқа орналастырушы мемлекеттің азаматтары сияқты шарттар мен тәртіпте еңбекшілердің зейнетақы құқықтарын қалыптастыруға, сақтауға және іске асыруға бағытталған ЕАЭО мүше-мемлекеттерінің еңбеккерлерін зейнетақымен қамтамасыз ету туралы келісімнің жобасын мақұлдады.
ЕЭО индустрияландыру картасын қалыптастыру мәселесін пысықтау туралы ұсыныс мақұлданды, ол бір-бірінің өзара жоспарларын көруге және оларды уақытылы түзетуге және ЕЭО шеңберінде өндірістік тізбектерді қалыптастыруға ықпал етуге мүмкіндік береді.
Қазақстан тарапының бастамасы бойынша Ресей тарапының «Ресей Федерациясы тұтынушылардың құқықтарын қорғау туралы «Заңының 4-бабына өзгеріс енгізу туралы» Федералдық заңға өзгерістер енгізу туралы мәселесі қаралып, «Тұтынушылардың құқықтарын қорғау туралы» 1992 жылғы 7 ақпандағы № 2300-I Ресей Федерациясының Заңын техникалық күрделі тауарлардың жекелеген түрлерін сату кезінде мұндай құрылғыларда ресейлік бағдарламалық қамтамасыз етуді орнатуды қамтамасыз ету қажеттілігі туралы ережемен толықтыру ұсынылады.
Ағымдағы жылдың 20 желтоқсанында Санкт-Петербург қаласында өтетін Жоғары Еуразиялық экономикалық кеңестің кезекті отырысының күн тәртібі бекітілді.