Күллі әлемнің күлкісі
– Уақыт жағынан шектеу болар ма екен? – деп сұрады шешен жиналыс бастығынан.
– Еш шектеу болмайды, құлашыңызды кеңге сермеңіз. Тек біз сіз он минут сөйледіңіз-ау дегенде залдан шығып кетеміз...
***
– Доктор, менің жұмысқа деген зауқым жоқ, бұны сіздерде қандай ауруға жатқызады? Аурудың атын ғылыми терминсіз қарапайым да түсінікті етіп айтыңызшы, әйтпесе түсіне қоюым қиын.
– Жәй ғана, жалқаулық деп аталады.
– Енді ғылыми терминін айтсаңыз.
– Оны қайтейін деп едіңіз?
– Бастығыма айтуым керек қой...
***
Келуші дәрігерге жөтелінің үдеп бара жатқанын айтып еді, дәрігер бірден:
– Темекіні үзілді-кесілді қою керек! – деп талап етті. Келуші аса жылдамдықпен конвертке салынған ақшасын дәрігердің тартпасына тастаған соң барып ол қатал талабын өзгертті.
– Әрине, бірден емес. Бірден тастаған да зиян. Біртіндеп, біртіндеп тастаған жөн...
***
Ұзақ жолда жол қысқарсын деп ғалым шоферін жұмбақ жасыруға шақырып, ақысын айтып еді:
«Ондай ақша менде қайдан болсын, егер әділдікпен келсек былай болсын: сіз таба алмасаңыз – он теңге бересіз, ал мен таба алмасам – бір теңге беремін».
Ғалым келісіп, шофер жұмбағын айтты:
– Жерде жүреді, жермен жорғалайды, ағаштан ағашқа секіреді, аспанда ұшады, ол қай жануар?
Ғалым ары ойлап, бері ойлап таба алмай он теңгесін береді де, өзінің жұмбағын айтады:
- Жерде жүреді, жермен жорғалайды, ағаштан ағашқа секіреді, аспанда ұшады, ол қай жануар?
Шофер бірден таба алмайтынын айтып, бір теңгесін береді...