Кәсіпқой бокстағы екі бірдей отандасымыз – Батыр Жүкембаев пен Жәнібек Әлімханұлы Бүкіләлемдік бокс кеңесінің (WBC) рейтингінде жоғарылады.
Орта салмақтағы Жәнібек Әлімханұлы (8-0,4 КО) екі саты көтеріліп, 13-орынға жайғасты. Қандасымыз ең кейінгі жекпе-жегін қараша айында АҚШ-тың Фресно қаласында канадалық Альберт Онолуносемен (24-3-1,8 КО) өткізіп, нокаутпен жеңген-ді. Сондай-ақ WBC Continental Americas және WBO Global белдігін қорғаған болатын.
Сонымен қатар бірінші орта салмақтағы WBA Continental және IBF Inter-Continental белбеуінің иегері Батыр Жүкембаев (17-0,13 КО) 11-орынға тұрақтады. Жүкембаев қазірге дейінгі соңғы жекпе-жегін қыркүйек айында Канадада өткізіп, мексикалық Мигель Васкесті (41-8, 15 КО) ұпай санымен жеңген еді.