Мәжілістің Экология мәселелері және табиғат пайдалану комитетінің отырысы өтіп, депутаттар Энергетика министрі лауазымына тағайындау үшін Нұрлан Ноғаевтың кандидатурасын келісті, деп хабарлады Мәжілістің баспасөз қызметі.
Бұл мәселе «Қазақстан Республикасының Парламенті және оның депутаттарының мәртебесі туралы» Қазақстан Республикасы Конституциялық заңының 22-1-бабына сәйкес комитет отырысында қаралды.
Талқылаудан кейін Нұрлан Асқарұлы Ноғаевтың кандидатурасын Қазақстан Республикасы Энергетика министрі лауазымына тағайындау үшін ұсынуға болатындығы туралы қорытынды қабылданды.