Шаңғы спортынан ұлттық құраманың бас жаттықтырушысы Александр Батяйкин 2019 жылдың 28 желтоқсаны мен 2020 жылдың 5 қаңтары аралығында өтетін «Тур де Ски» көпкүндігінің 14-кезеңіне қатысатын спортшылардың есімін атады.
Ленцерхайде (Швейцария), Тоблах (Италия) және Валь-ди-Фьемме (Италия) қалаларында өтетін бәсекеде ел намысын ерлер арасынан Виталий Пухкало, Денис Волотка, Асет Дюсенов, Наиль Башмаков, Владислав Ковалев қорғаса, әйелдер құрамасында Валерия Тюленева, Анна Шевченко, Ирина Быкова, Ксения Шалыгина бақ сынайды.