Жуырда Минск (Беларусь) қаласында жүзуден көру қабілеті төмен және тірек-қимыл аппараты зақымданған спортшылар арасындағы Беларусь Республикасының ашық чемпионаты өтті.
Біріншілік халықаралық Паралимпиада комитетінің қолдауы аясында ұйымдастырылып, оған әлемнің 7 мемлекетінен, атап айтар болсақ, жарысты ұйымдастырушы Беларусь және Әзербайжан, Қазақстан, Түркия, Украина, Литва, Молдова елдерінен барған 150-ден аса спортшы бақ сынады.
Мүмкіндігі шектеулі спортшылардың байрақты бәсекесіне Қазақстан құрамасынан 15 спортшы қатысып, жалпы саны 43 медаль жеңіп алды. Оның 21-і алтын, 13-і күміс және 9-ы қола. Спортшылардың көрсеткен нәтижелері (IPC) Халықаралық Паралимпиада комитетінің 2020 жылғы әлемдік рейтингіне енгізіледі.