2019 жылы Қазақстанда 1 002 лауазымды тұлға жемқорлық үшін сотталған. Бұл туралы Жемқорлыққа қарсы агенттіктің төрағасы Алик Шпекбаев айтты.
«Қылмыстық-құқықтық шаралардың қорытындысына тоқталайын. 1 717 жемқорлық қылмысы тіркелді. Олардың жартысынан көбі пара алу, пара беру деректері бойынша, 1 002 лауазымды тұлға сотталды.
Былтыр 112 осындай қылмыс тоқтатылды. Келтірілген шығын - 24,6 миллиард теңге, оның 22,7 миллиарды қайтарылды», деді Шпекбаев ведомствоның 2019 жылғы қорытындысы бойынша жиында.
Айта кетейік, Сыбайлас жемқорлыққа қарсы іс-қимыл агенттігінің төрағасы Алик Шпекбаев құқық бұзушылық туралы хабарлаған адамға сыйақы берілетінін айтты.