Жергілікті уақыт бойынша сағат 19.00-де Әзербайжанда Парламент сайлауында дауыс беру аяқталды, деп хабарлайды ҚазАқпарат тілшісі.
Қазіргі мәліметтер бойынша, сағат 17:00-де 2 389 754 азамат дауы берген, бұл барлық дауыс берушінің 44,84 пайызы. Елде 5 329 461 азамат дауыс беру құқығына ие.
Айта кетейік, Милли Меджлисте 1 314 үміткер бақ сынады. Оның 246-сы 19 саяси партиядан тіркелген. Сайлауға қатысушылардың арасындағы үміткерлердің 21 пайызы әйелдер, 79 пайызы ерлер. 125 сайлау округінде 5573 сайлау учаскесі істеді.
Сайлауды 883 халықаралық және 77 790 жергілікті бақылаушы бақылады.