Белгілі айтыскер ақын Балғынбек Имашев теледидардағы рейтинг қуған атышулы бағдарламалардың халыққа кері әсерін беріп жатқанын айтты. Бұл туралы ол өзінің Instagram парақшасында жазды.
«Құрметті Президент, Депутаттар, Үкімет мүшелері, ақпарат, мәдениет, қоғамдық келісім, идеология саласына жауапты басшылар! Сондай-ақ қалам ұстаған зиялы қауым, ғалымдар, ақын-жазушылар, өнер қайраткерлері, ұстаздар, журналистер қауымы! Теледидарды қоқыс жәшігіне айналдыруға жол бермеңіздерші! ТВ басшылары мен қызметкерлері, «жер өртеп атын шығаруды» қалағандарға жарнама жасауды доғарыңыздаршы!» - деп жазды Балғынбек Имашев.