Жылдың алғашқы 6 айында елімізде 306 млрд. теңгеге тұрғын үйге жатпайтын нысандар салынды. Осы уақытта Ақтөбе облысында мұндай нысандардың құрылысы 36 млрд. теңгені, Маңғыстау облысында 27 млрд. теңгені құрады.
Жылдың алғашқы 6 айында елімізде 306 млрд. теңгеге тұрғын үйге жатпайтын нысандар салынды. Осы уақытта Ақтөбе облысында мұндай нысандардың құрылысы 36 млрд. теңгені, Маңғыстау облысында 27 млрд. теңгені құрады.
Биылғы жылдың шілдесінде Алматыда бос жұмыс орындар саны 4,5 мың адамға жетті. Сонымен бірге, оңтүстік мегаполистің кәсіпорындары мен ұйымдарына 15,6 мың адам жұмысқа орналасты.
Жыл басынан бері Ақмола облысы Есіл ауданының шаруашылықтарына 350 асыл тұқымды мал әкелінді. Бүгінгі таңда ауданда 7 өнеркәсіп кәсіпорны, 4 диірмен, 2 ет және сүт өңдейтін цех, темірбетон бұйымдарын жасайтын цех жұмыс істейді.
Тамызда «Астана-Атырау» бағытына жүрдек пойызы қатынайтын болады. Алдағы 22 тамыз күні жолға шығатын пойыз «Тұлпар-Тальго» вагондарынан құралған. Жаңа пойыз төрт күнде бір қатынайды.
Шығыс Қазақстан облысының Глубокое ауданында медициналық-әлеуметтік орталық жаңарды. Кеше аудан орталығы – Зимовье селосында жұмыс сапарымен болған облыс әкімі Бердібек Сапарбаев миллиард теңгеге жуық қаржыға жаңарған 150 төсектік емдеу орнының жұмысына жоғары баға берді.
Шымкентте Шәмші Қалдаяқов әндеріне арналған «Арыс жағасында» төртінші ретрофестивалі аяқталды. Екі күндік шара шеңберінде облыс әншілерінің «Менің Қазақстаным» атты конкурсы да өткізілді. Кеше кешке қанат жайған гала-концертте осы байқаулардың жүлдегерлері өнер көрсетті.
Маңғыстау облысының Бейнеу ауданына «Саламатты Қазақстан-2030» денсаулық пойызы сапар шекті. Құрамында алуан түрлі дәрігерлер мен жабдықтары бар бригада бірнеше күн бойы скринингілік тексерулер жүргізеді.
Жамбыл облысының бюджеттік мекемелері қысқы маусымға 74,8 пайызға дайын. Бұл туралы дайындық штабының кезекті отырысында облыстың бас энергетигі Жеңіс Тұяқов мәлімдеді. «Алдағы екі айда қалған жұмыстарды толық сапалы аяқтап шығуға мүмкіндік бар», деді ол.
«ҚазАқпарат», «Қазақстан жаңалықтары», Bnews.kz, TengriNews, EgemenNews хабарлары бойынша дайындалды.