Түркістан облысы Жетісай ауданында іске қосылған күн электр стансасы германиялық мердігер компанияның қаржысына салынған. Ауданға сапары барысында облыс әкімі Өмірзақ Шөкеев күн электр стансасын іске қосу рәсіміне қатысып, шетел инвесторларымен кездесті.
Бұрынғы ескі қоқыс полигонының орнынан салынған стансаның құны - 2,5 млрд теңге, қуаттылығы 4,8 МВт.
Облыс әкімі, сондай-ақ Жетісай қаласын дамыту мақсатында атқарылып жатқан жұмыстармен танысып, шағынаудандарды Абай топтастық су жүйесіне қосу мәселесіне қатысты жауапты басшыларға нақты тапсырмалар берді. Б.Момышұлы атындағы №6 мектеп - гимназиясының ұжымымен кездесуінде күрделі жөндеуді қажет ететін мектеп мәселесінің оңтайлы шешілетінін айтты.