Оқушылардың автобуста тегін жүруіне арналған көлік картасын онлайн режимде рәсімдеуге болады. Бұл туралы Нұр-Сұлтан қаласы әкімдігінің баспасөз қызметі хабарлады.
7 наурыздан бастап балалардың атаулы көлік картасын www.transcard.kz сайтында онлайн тапсырыс бере аласыздар. Қажетті құжаттар:
7 жастан 15 жасқа дейінгі балалар үшін Туу туралы куәлігі;
Оқу орнынан анықтама;
3х4 сурет (ақ фонда;
16 жастан 18 жасқа дейінгі балалар үшін Жеке куәлігі;
Оқу орнынан анықтама; 3х4 сурет;
Сайтта көлік картасын шығару үшін төлем жасай аласыз. Құны – 400 ₸. 5 жұмыс күннің ішінде электронды поштаңызға картаның дайындығы туралы хабарлама келеді. Баланың атаулы көлік картасын ата-анасы Қошқарбаев көшесі, 50/1 мекен-жайында орналасқан орталық кассадан ала алады.
Қажетті құжаттар: ата-анасының жеке куәлігі және атаулы көлік картасы. Жеке куәлік алған жасөспірімдер өздері алады.