Бүгін Иорданияның бас шаһары – Амманда бокстан Токио Олимпиадасына жолдама беретін Азия және тынық мұхиты аймағы турнирінің жартылай финалы өтіп жатыр.
Күндізгі сессияда шаршы алаңға шыққан қазақстандық боксшы Зәкір Сафиуллин (63 кг) жарыс қожайыны иорданиялық боксшы Обада Мохаммед Мустафа Алкасбехті 3:2 есебімен жеңіп, финалға жолдама алы.
Жекпе-жектің бірінші раундында төрешілер Обада Мохаммед 5:0 есебімен жеңді деп есептеген болатын. Алайда қалған екі раундта отандасымыз басымдықты өз қолына алып, қарсыласынан жеңісті жұлып алды.
Енді Сафиуллин финалда Өзбекстанда туған этникалық қазақ Елнұр Әбдірайымовпен жұдырықтасады.
Фото: Данияр Майлыбаев