Бұған өңірдегі қазіргі ахуалға байланысты өнімнің осы түріне сұраныстың артуы себеп болып отыр. Кәсіпорын тәулігіне 10 мың маска тігуге қауқарлы.
Қажет бола қалса, өндіріс көлемін екі есеге дейін ұлғайтуға дайын. Отандық өнім Қостанай облысы мен Нұр-Сұлтан қалаларында саудаланады. Масканы дәріханалар мен фабрика дүкендерінен сатып алуға болады.
Бұған қоса, фабрикаға емдеу мекемелеріне қажет медициналық қорғаныш костюмдер тігуге де сұраныс түскен. Енді кәсіпорын аптаның соңына қарай медициналық костюм өндірісін қолға алайын деп отыр. Жоспар бойынша тәулігіне мың жарым қорғаныш костюмі тігілмек. Дәл қазіргі кезеңде облыстың денсаулық сақтау мекемелеріне 4 мың қорғаныш костюм керек екен.
- Бұл аса қиын емес, мұндай сұранысты, ары кетсе, бір жетінің ішінде орындап шыға аламыз, - дейді фабрика басшысы.
ҚОСТАНАЙ