Мәдениет және спорт вице-министрі Өркен Бисақаев мәдени іс-шараларға сатылған билеттердің қаражаттары тиісті мәдениет ұйымдары тарапынан қайтарылатынын айтты.
- Қазақстан аумағында және шет елде өткізілуі жоспарланған гастрольдік қызмет пен басқа да іссапарлар, концерт, спектакль, қойылым, форум, семинар, конференция, дөңгелек үстел, көрме және т.б. секілді іс-шаралар өткізілмейтін болды. Сондай-ақ кітапханаларда, музейлерде келушілерді қабылдау, сондай-ақ, тарихи-мәдени мұра объектілерінде экскурсиялар және қызығушылықтары бойынша үйірмелер және өзге де секциялардың жұмыстары бойынша қызметтер көрсету уақытша тоқтатылды, - деді Өркен Бисақаев.
Оның айтуынша, тоқтатуға жататын іс-шараларға сатылған билеттердің қаражаттары тиісті мәдениет ұйымдары тарапынан қайтарылатын болады.