Елорда әкімі Алтай Көлгінов қазір Нұр-Сұлтанда 318 науқас карантинде жатқанын айтты.
- Бүгінгі таңда қалада коронавирус жұқтырғандардың саны 17 адамға жетті. Сол себептен біз қауіпсіздік шараларын күшейттік. Бұл азаматтармен қарым-қатынаста болғандардың барлығы табылды. Олар арнайы орындарға жатқызылды. Сонымен қатар лабораториялық зерттеулер жүргізілуде. 28 қаңтар мен 16 наурыз аралығында стационарда 752 адам жатты. Қазір ол жерлерде 318 науқас карантинде жатыр. Диагностика жасап, емдеу үшін 1051 орынға арналған арнайы медициналық орын белгіленді. Қажет болған жағдайда қосымша осынша орын дайындаймыз, - деді қала әкімі.