Мәжілісмендер бір күндік еңбекақыларын коронавирусқа қарсы күреске аударды, деп хабарлады Мәжілістің баспасөз қызметі.
Палата Спикері Нұрлан Нығматулиннің төрағалығымен Мәжіліс бюросының шешімі бойынша депутаттар және аппарат қызметкерлерінің бір күндік еңбекақысын коронавирус инфекциясына қарсы күреске бағыттау туралы қаулы қабылданды. Қаржы карантин енгізілген Нұр-Сұлтан және Алматы қалаларында COVID-19 коронавирус эпидемиясымен күреске қажетті іс-шараларды жүзеге асыруға арналады.
Мәжіліс Төрағасы Нұрлан Нығматулин атап өткендей, ел басшылығы азаматтардың қауіпсіздігін қамтамасыз ету үшін ауқымды шараларды қолға алуда.
Осындай қиын-қыстау кезеңде барлық қазақстандықтар ортақ мақсат жолында күш біріктіруіміз керек.
* * *
Пандемия төңірегіндегі ахуал халықты біріктірді.
Қазақстан Республикасының Тұңғыш Президенті – Елбасы Кеңсесінің қызметкерлері шетте қалмай коронавирусқа қарсы күресу үшін Нұр-Сұлтан қаласының әкімдігіне өздерінің бір күндік жалақыларын аударды, деп хабарлады Тұңғыш Президенттің баспасөз қызметі.