Бүгін Қостанай әуежайына «Шарм-эль-Шейх – Қостанай» бағытындағы ұшақ келіп қонды. Әуе жолаушыларын полиция қызметкерлері мен эпидемиолог дәрігер мамандар қарсы алды.
Бортта барлығы 237 жолаушы және 7 экипаж мүшесі бар. Оның 152-сі Ресей Федерациясының азаматтары. Сондай-ақ 1 Украин азаматы бар. Қалғаны – қазақстандықтар. Медициналық тексерістен өткен соң, полиция шетелдік азаматтарды Ресей шекарасына дейін шығарып салды.
Мамандардың айтуынша, барлық жолаушының жағдайы - қанағаттанарлық. Қостанай облысының тауарлар және көрсетілетін қызметтердің сапасы мен қауіпсіздігін бақылау департаменті баспасөз-қызметінің мәліметінше, қазір облыста 39 адам ауруханада, 24 адам карантинде жатыр. Індет жұқтырғандар тіркелген жоқ.
Қостанай