Елбасы Н.Назарбаевтың «Біз біргеміз» акциясын жоғарғы деңгейде жүргізу мақсатында Түркістан облысындағы тұрмысы төмен отбасыларға көмек көрсетіледі. Ол үшін мұқтаж отбасыларға арналған қайырымдылық қор ретінде «Түркістан корпоративтік әлеуметтік даму қоры» таңдалып алынды.
«Nur Otan» партиясы облыстық филиалы мен облыстық Жұмыспен қамтуды үйлестіру және әлеуметтік бағдарламалар басқармасы бірлесіп, өңірдегі көмекке мұқтаж 1300-ге жуық азаматтың тізімін жасақтады. Бұл отбасыларға антисептикалық құралдар, медициналық маскалар және бірінші кезекте қажетті басқа да өнімдер, азық-түлік тапсырылады. А
тап айтқанда, әр адамға ылғалды майлықтар, антисептик, медициналық бетперде, қағаз майлық, 5 келіден макарон, қарақұмық, күріш, қант және өсімдік майы таратылмақ. Қара шай, тұз, күлше де себетке енгізілген. Бұл туралы облыс әкімдігі мен «Nur Otan» партиясы Түркістан облыстық филиалы басшылығының өңірдегі кәсіпкерлермен және жауапты басқарма басшыларымен өткізген кеңесте айтылды.
Түркістан облысы