Қорқыт Ата атындағы ҚМУ Химиялық зерттеулер және технологиялар институты ұжымы бактерияға қарсы антисептикалық сұйықтық әзірлеп шығарды.
Сұйықтықтың антисептикалық әсері кемінде 1 сағат сақталады. Медициналық маскаға сеуіп, кептіріп киюге де болады. Бұл туралы патент авторы, ғалым Нұрбол Аппазов Фейсбуктегі парақшасында жариялады.
Нұрбол Аппазовтың айтуынша, сұйықтық бар-жоғы 10 күннің ішінде дайын болған. Осы күнге дейін институт ұжымы 20 литр антисептик сұйықтық дайындапты. Алдағы уақытта оның көлемін көбейтуді жоспарлап отыр. Әр құтының көлемі 30 миллилитр.