Төтенше жағдай кезінде табысынан айырылғандарға ай сайын ең төменгі жалақы мөлшерінде жәрдемақы беріледі. Бұл туралы Мемлекет басшысы Қасым-Жомарт Тоқаев Төтенше жағдай жөніндегі мемлекеттік комиссияның отырысында айтты.
«Төтенше жағдай режимі енгізілуіне байланысты табысынан айырылған адамдарға ай сайын ең төменгі жалақы мөлшерінде (42 500 теңге) төлем жасай бастауды тапсырамын. Жалпы мұндай көмекті кемінде 1,5 миллионнан астам адам алады. Қажет болған жағдайда соманы арттыруға және қолдау түрлерін кеңейтуге барлық резервіміз бар. Мемлекеттік комиссияға төлемдердің тиімді және ашық тетігін әзірлеуді тапсырамын», деді Қазақстан Президенті.