Коронавирус іңдетіне байланысты бүгіннен бастап Қызылорда қаласының теміржол вокзалы мен автовокзал аумағын дезинфекциялау басталды. Бұл туралы облыс әкімдігінің баспасөз қызметі хабарлады.
Облыс орталығындағы басқа да қоғамдық орындарды дезинфекциялау жұмысы өңірдегі тауарлар мен көрсетілетін қызметтердің сапасы мен қауіпсіздігін бақылау департаментінің кестесіне сәйкес жүргізілмек.
Дезинфекциялауға №66597 әскери бөлімінің 50 сарбазы жұмылдырылды.