Кеше Қызылордадағы базарлар мен сауда орындарында келушілерге медициналық бетперделер таратылды. «Қызылорда оптомаркет» сауда үйі 3000, «Мирас» сауда үйі 1000 данасын таратты. Бұған дейін «Ажар сити» сауда орталығы да қат тауарға айналған бетпердені тегін таратқан еді.
- Алдағы уақытта да бұл акция қала аумағындағы 80-ге жуық сауда үйі мен 12 базарда жалғасады, – дейді қала әкімінің орынбасары Бектас Нұридинов. Облыс орталығында құрылған жедел штаб қала көлеміндегі халық көп шоғырланатын орындарда түсіндірме жұмыстарын жүргізумен қатар, індеттің алдын алуға септігін тигізетін осындай шараларды да ұйымдастырып келеді.