Президент жанындағы Орталық коммуникациялар қызметінде «Хабар 24» телеарнасының тікелей эфирі арқылы онлайн брифинг өткізген Ақпарат және қоғамдық даму министрі Дәурен Абаев COVID-19 вирусын жұқтырып қайтыс болған азаматтың қалай жерленетіні туралы айтты.
Министр бүгін кешке немесе ертең таңертең Бас санитарлық дәрігердің ресми қаулысы шығатынын, ол жерде қатаң сақталуы керек ережелер көрсетілетінін атап өтті.
«Дәрігерлер айтқан санитарлық талаптарды қатаң сақтау қажеттігі туралы, Қазақстан мұсылмандар діни басқармасы мен Православие шіркеуі тиісті пәтуа мен ескертпелер әзірледі», деді ол.