Өңірімізде 1 сәуірден бастап электр қуаты тарифін 6 пайызға арттыру хабарланған.
Бірақ, елімізде жарияланған Төтенше жағдайға байланысты қызмет көрсетуші компания жоспарлаған қоғамдық тыңдау өткізілмеді.
Бұған дейін, облыс орталығындағы «Павлодарэнергосбыт» ЖШС-нің басшылығы қоғамдық тыңдауды онлайн өткізбек болыпты.
Бірақ, Табиғи монополияларды реттеу комитетінің облыс бойынша департаменті мұндай ерекше форматтағы шараға зейнеткерлердің толық қатыса алмайтындарын есептеп, бұл ұсынысты қолдамаған.
Ал, «Павлодарэнергосбыт» ЖШС-нің баспасөз қызметінің мәліметінше, электр қуаты тарифінің бағасын 6 пайызға өсіру жоспарлануда.
Бұған комитет мамандары өңірдегі стансалардағы электр бағасын Энергетика министрлігі реттейді. Сондықтан қуат бағасы 2-3 пайызға ғана өседі деп отыр.
Тұрғындар Төтенше жағдай уақыты аяқталғанша, екі ай бойы электр қуатын пайдаланғандары үшін бұрынғы тариф бойынша төлейді.
Павлодар облысы