«Жұмыспен қамтудың жол картасы» аясында өңірлерде 200-ге жуық инфрақұрылымдық жоба жүзеге асырылуда. Бұл – мәдениет және спорт нысандарының күрделі, ағымдағы жөндеулері және жаңа нысандардың құрылысы. Бұл туралы Мәдениет және спорт министрі Ақтоты Райымқұлова хабарлады.
«Мысалы, «Жол картасы-2020» шеңберінде Маңғыстау облысының аудандарында Өңірлерді дамыту бағдарламасы бойынша 13 жаңа мәдениет нысанын салу және 2 нысанда жөндеу жұмыстарын жүргізу көзделіп отыр. Жаңа құрылыстардың 8-і ауылдық жерлердегі клуб типтес объектілер», - деді министр.
Сондай-ақ министрдің айтуынша, Алматы облысында «Жұмыспен қамтудың жол картасы» аясында 14 жоба жүзеге асырылуда. 12 мәдениет объектісінде күрделі жөндеу жұмыстары жүргізіледі, 2 мәдениет объектісін қайта жаңарту жоспарлануда.
«Атырау облысы Қызылқоға ауданы Ойыл ауылындағы «Шалқыма» мәдениет үйінде күрделі жөндеу жұмыстары жүргізіледі. Қарағанды облысында жол картасы аясында 927 жұмыс орны құрылып, Жошы ханның тарихи-мәдени кешенінің құрылысын атсалыспақ. Оның ішінде жұмыспен қамту орталықтары арқылы – 463 адам тартылмақ. Қостанай облысында Арқалық қаласындағы Дала өлкесінің тарихи облыстық мұражайы ғимаратына күрделі жөндеу жүргізу, Қостанай ауданының Заречный және Октябрьское ауылдарының мәдениет үйлерінің ғимаратына ағымдағы жөндеу жүргізу жоспарланған», - деді министр.