Күні кеше кешқұрымнан соң Нұр-Сұлтан қаласы әкімдігінің Мемлекеттік академиялық филармониясының үрлемелі оркестр музыканттары Мемлекеттік Әнұранды орындап, үйде отырған халыққа рух беріп, халықты үрлемелі аспаптың сиқыры мен әсем сазына куә қылды.
Жақында ғана оркестр мен ансамбль өнерпаздары бірігіп, күмбірлеген күйді тұрғынүй балкондарынан төгілте орындап, елорда тұрғындарына көтеріңкі көңіл күй тарту еткен болатын. Өз үйлерінің балкондарына шығып, аула тұрғындарының көңілін бір сәтке болсын қуанышқа бөлегені - өнер адамдарының елді жігерлендіруге қосқан үлесі деп білеміз.