Еуропа ғалымдары жақын маңда коронавирус жұқтырған адамның бар-жоғын анықтайтын смартфондарға арналған қосымша дайындап жатыр деп хабарлайды egemen.kz тілшісі Business Insider-ге сілтеме жасап.
Дереккөздің мәліметттеріне қарағанда, сегіз елдің 130 ғалымы коронавирус жұқтырғандарға зерттеу жүргізетін көрінеді.
Дәрігерлер қосымшаға науқастардың саны туралы мәліметтерді жариялай алады. Сондай-ақ қосымшаның Bluetooth арқылы жұмыс істейтіні және кем дегенде екі метр қашықта коронавирус жұқтырған адамның бар-жоғын ескертетіні айтылады.Ғалымдардың сөзіне қарағанда, бұл қосымша коронавирустың жаппай таралуын азайтуға септігін тигізеді екен.
Айта кетейік, 7 сәуірден, яғни бүгіннен бастап бұл қосымша Еуропада жұмыс істей бастайды.