Өңірлік коммуникациялар қызметінің хабарлауынша, атыраулық 1300-ге жуық тұрғынға коронавирус инфекциясына қарсы сынама тест жүргізілген.
«Атырау облысы Денсаулық сақтау басқармасының мәліметінше, жергілікті тұрғындар арасында коронавирустың бар-жоғын анықтау үшін 1300-ге жуық ПТР тест жасалған. Covid-19 дертіне шалдыққандармен жақын байланыста болған барлық тұлғаға ПТР сынақтары жүргізіліп, тест қорытындысы теріс нәтиже көрсетті» -деп хабарлады өңірлік коммуникациялар қызметі.
ПТР тесттеріне негізделген диагностика – адам ағзасындағы коронавирус инфекциясын анықтауға арналған нақты әдіс. Сынама тест вирустың РНҚ фрагменттерін анықтайды.
Жұмасат ҒАЗИЗ