Ақмола облысында тағы 13 адамның COVID-19 инфекциясын жұқтырғаны анықталды.
Дертке шалдыққандардың бәрі – Целиноград ауданының Аққайың ауылындағы қарттар үйінің қызметін алушылар. Олардың арасында 99 жастағы әже де бар. Бұған дейін осы арнайы мекеменің бір қызметкері коронавирусты жұқтырған еді. Олардың барлығы 2 сәуір күні қайтыс болған ер азаматпен байланыста болған. Осылайша, облыста індетке іліккендер саны 56-ға жетті. 371 адам дәрігерлер бақылауында. 792 тұрғын үй карантинінде.