Жақында 64 жастағы америкалық Дайана Найад есімді әйел бұрын-соңды адамзат жасамаған ерлік жасады. Ол жалғыз өзі Кубадан АҚШ-тың Флорида штатына дейінгі 177 шақырым қашықтықты акуладан қорғайтын жабдықтарсыз жүзіп өтті.
Жақында 64 жастағы америкалық Дайана Найад есімді әйел бұрын-соңды адамзат жасамаған ерлік жасады. Ол жалғыз өзі Кубадан АҚШ-тың Флорида штатына дейінгі 177 шақырым қашықтықты акуладан қорғайтын жабдықтарсыз жүзіп өтті.
Осы қашықтықты ол 53 сағатта жүзіп өткен екен. Ойлап қарасаңыздар, осыншама шақырымды әйел заты ғана емес, ер адамның да жүзіп өтуі оңай емес. Осыған қарамастан, Дайана Найад өзінің табандылығымен, жігерлілігімен 177 шақырымды 53 сағатта жүзіп өтті. Дайана Найад теңізге шыққанда оның жанында қайықпен 35 адамнан құралған команда қатар жүзіп отырыпты.
Осыған дейін ол Куба мен Флорида арасын жүзіп өтуге төрт рет талпынған еді. Алайда әрекеттері сәтсіз болды. Биыл оның жеңісін тамашалауға Флорида жағалауына жүздеген адам жиналды.