Кеше Қазақстан Республикасы Парламенті Сенатының Төрағасы Қайрат Мәмидің Түркіменстанға ресми сапары басталды.
Бір тамырдан тараған, бойларында буырқана ойнаған түркілік қаны бар жұрттың саны кейбір зерттеушілердің ұйғарымынша 200 млн. шамасында десе, солардың көпшілігіне дербес мемлекет атануды тағдыр маңдайына жазбаған екен. Тек алтауына ғана өз алдына тәуелсіз мемлекет ету бағы бұйырса, соның бірі біз де, енді бірі түркімендер.
Кеше Қазақстан Республикасы Парламенті Сенатының Төрағасы Қайрат Мәмидің Түркіменстанға ресми сапары басталды.
Бір тамырдан тараған, бойларында буырқана ойнаған түркілік қаны бар жұрттың саны кейбір зерттеушілердің ұйғарымынша 200 млн. шамасында десе, солардың көпшілігіне дербес мемлекет атануды тағдыр маңдайына жазбаған екен. Тек алтауына ғана өз алдына тәуелсіз мемлекет ету бағы бұйырса, соның бірі біз де, енді бірі түркімендер.
Ақ мәрмәрдан қаланған, ажары толған айдай толысып, ұлттық бедері әрбір тынысынан сезілетін Ашғабадта шыжыған ыстық. Әуе айналғандай күйдіріп тұрған алтын күн туысқан келді деп ыстық құшағын ашқандай. Кешінің өзі 33 градусты көрсетсе, күндізгі 43-ті қалыпты жағдай санайтын түркімен бауырлар Қазақстан Парламенті Сенаты Төрағасының сапарына үлкен мән бергенін қолымызға тиген бағдарламадан аңғардық. Сондықтан да, көрген-білгенімізді шашауын шығармай оқырманға жеткізуді мойнымызға алдық.
Жалпы, екі ел арасындағы қарым-қатынастың қапысы жоқ. Мемлекет басшыларының кездесулері мен екіжақты өткен сапарлар ынтымақтастық байланыстарды кеңейте түскен. Түркіменстан Президенті Гурбангулы Бердымұхамедов 2008, 2009, 2010 жылдары елімізде өткізілген түрлі шараларға қатысса, биылғы жылдың мамыр айында Қазақстанға мемлекеттік сапармен арнайы жол тартқаны мәлім. Біздің Елбасы Нұрсұлтан Назарбаевтың 2009 жылы «Түркіменстан-Өзбекстан-Қазақстан-Қытай» газ құбырының ашылу салтанатына және 2012 жылы ТМД мемлекет басшыларының кездесуі кезінде жұмыс сапарымен түркімен топырағына табаны тиген. Тамыры бір туыс елдер арасындағы осындай барыс-келіс қарым-қатынастарды барлық салаларда өрбітуге жол ашты.
Сенат Төрағасы кеше ертеңгілік Ашғабадтағы жұмысын Түркіменстан Сыртқы істер министрлігі жанындағы Халықаралық қатынастар институтының студенттері мен профессор-оқытушылар құрамы алдындағы сөз сөйлеумен бастады.
«Туыстас түркімен елінің болашақ дипломаттары алдында сөз сөйлегеніме қуаныштымын», деп жиналғандар ықыласын өзіне аударып алған Төраға оларға мемлекет дамуының қазақстандық жолын, еліміздің сыртқы саясаттағы ұстанымдарымен бірге, қазақ-түркімен ынтымақтастығының негізгі қырларын атап көрсетті.
Тәуелсіздік жылдарында қол жеткен табыстарды ортаға салған Қ.Мәми еліміздің алға қойған «Қазақстан-2050» стратегиялық мақсатын, ондағы басты бағыттарды таратып айтып берді. Алға қойған белестерді бағындыруда экономиканы түбегейлі оңтайландыру үшін кәсіпкерлікті реттеу ісіне мемлекеттің мейлінше аз қатыстырылуын, бұл тұрғыда барлық салада жекеменшік сектордың үлесін ұлғайта беру көзделіп отырғанын алға тартты. Сондай-ақ, ел экономикасының «жасыл» бағытта дамуына ден қою мен ЭКСПО-2017 көрмесін өткізуге тоқталып, оның осы Орталық Азия өңірінің дамуына тигізер оң әсерін де назардан тыс қалдырмады.
Төрағаның алға тартқан маңызды мәселелерінің қатарында түркі әлемінің интеграциясы да аталды. Сонымен қатар, 2014 жылы коалиция күштерінің Ауғанстаннан әкетілуіне байланысты аймақтың тұрақтылығына қатысты Орталық Азия мемлекеттері ынтымақтастығының маңыздылығы көлденең тартылды. Жиналғандар Қ.Мәмидің жан-жақты, көптеген маңызды аспектілерді қамтыған сөзін үлкен ықыласпен тыңдады.
Сенат Төрағасының Түркіменстан Президенті Гурбангулы Бердымұхамедовпен кездесуінде екіжақты ынтымақтастықтың өзекті мәселелері сөз етілді. Президент мамыр айындағы елімізге сапарын жылылықпен еске алып, Президент Нұрсұлтан Назарбаевпен болған жемісті кездесулері мен іске қосылатын ірі Қазақстан-Түркіменстан жобаларына ризашылығын жеткізді. Сонымен қатар, сауда-экономикалық қатынастардың оң қарқыны мен көлік-коммуникация саласындағы ынтымақтастықтың әлеуеті молдығына тоқталды. 2014 жылы «Солтүстік-Оңтүстік» бағытындағы те