7 сәуірде болған қарлы боранда адасып кеткен Әулиекөл ауданының тұрғыны жексенбі күні ауруханада қайтыс болды. Дәрігерлердің айтуынша, ауруханаға ауыр қалде жеткізілген зейнеткердің бұрыннан бауыры ауырады екен. Оның үстіне екі күн бойы боран астында қалып, бүкіл ағзасына суық өтіп кеткен.
Бұған дейін баяндағанымыздай, боран басталатын күні 64 жастағы Диев ауылының тұрғыны жергілікті серіктестіктің жылқысын бағып кеткен. Артынша қар аралас қатты дауыл басталады. Зейнеткердің екі күннен бері үйге оралмағаны туралы полицияға інісі хабарлайды. Полицейлер еріктілер мен әкімдік қызметкерлерінің көмегімен дереу жедел іздестіруге кірісіп, жылқышыны Үшқарасу ауылына 50 шақырым жерде құлап жатқан жерінен тауып алған. Құтқарушылар жылқышыны дереу ауруханаха жеткізеді. Өзі қарлы боранға құрбан болғанымен, зейнеткер қарауындағы 400 бас жылқыны шығынсыз сақтап қалған.
Қостанай облысы