Тамыз айының аяғындағы жауын-шашын пісіп тұрған егінді жинатпай, диқандарды біраз әбігерге салған еді. Міне, қыркүйек айы басталғалы әр аймақта өткінші жауып кеткені болмаса, көп жаңбыр жоқ. Алтын күздің ызғары жоқ жылы желі жерді кептіріп, комбайнның жүруіне жағдай жасап-ақ тұр. Бүгінге дейін облыстағы барлық егін алқабының 35 пайызы ораққа ілінді. Межелеп отырған 4,5 миллион тонна астықтың 1,5 миллион тоннасы қамбаға түсіп те үлгерді. Облыс әкімі Нұралы Сәдуақасовтың айтуынша, егер жауын-шашынды болып кетпесе, аудандардың басым көпшілігі аптаның аяғына дейін астықтың жартысынан астамын жинап үлгереді.
Тамыз айының аяғындағы жауын-шашын пісіп тұрған егінді жинатпай, диқандарды біраз әбігерге салған еді. Міне, қыркүйек айы басталғалы әр аймақта өткінші жауып кеткені болмаса, көп жаңбыр жоқ. Алтын күздің ызғары жоқ жылы желі жерді кептіріп, комбайнның жүруіне жағдай жасап-ақ тұр. Бүгінге дейін облыстағы барлық егін алқабының 35 пайызы ораққа ілінді. Межелеп отырған 4,5 миллион тонна астықтың 1,5 миллион тоннасы қамбаға түсіп те үлгерді. Облыс әкімі Нұралы Сәдуақасовтың айтуынша, егер жауын-шашынды болып кетпесе, аудандардың басым көпшілігі аптаның аяғына дейін астықтың жартысынан астамын жинап үлгереді.
Облыстың оңтүстік аудандарында жауын аз болғандықтан, орақ қарқыны да басымырақ. Ал жауын көп жауған солтүстік аудандар алқаптың кебуін амалсыз күтеді, дала кемелері кібіртіктейді. Мысалы, Науырзым ауданы қазірдің өзінде барлық астық алқабының 51 пайызын жинап үлгерді. Ал жауыннан көз ашпаған Федоров ауданында бұл көрсеткіш небәрі 27 пайызды ғана құрап отыр. Облыс бойынша гектар айналымы орта есеппен 9,4 центнерден келуде.
Ал астықтың сапасы жөніндегі сөз басқа.
– Биыл жауын көбірек түсті, соған қарамай егінді жиып-теріп аламыз. Біздің шаруашылықтың алқаптары гектарына 14 -15 центнерден кем беріп жатқан жоқ. Биыл майлы дақылдың жылы болып тұр. Күнбағыс, рапс, зығыр гектарына 2 тоннадан айналады. Әдетте, майлы дақылдарды гектарына 1,5 тоннадан жинайтынбыз. Енді бидайдың сапасы да жаман емес, қамырлылығы 29 пайызға жетеді. Бірақ ылғалы көп. Кептіргіштер бар, оны реттеп аламыз, – дейді «Қарқын» жауапкершілігі шектеулі серіктестігінің директоры, Қазақстанның Еңбек Ері Сайран Бұқанов.
Дегенмен, орақ барысы әр шаруашылықта әртүрлі. Ауа райының құбылуы диқанның техникасына да, орақ науқанындағы шалымдылығына да сын болары хақ. «Елде болса ерінге тиеді» деп, бүкіл жұрт диқандардың астығын шашау шығармай жинап алса деп күннің шуағын тілеп отыр.
Нәзира ЖӘРІМБЕТОВА,
«Егемен Қазақстан».
Қостанай облысы.