Академиялық театр Атырауға аттанады

Қазақтың Мемлекеттік М.Әуезов атындағы академиялық драма театры Атырау қаласына гастрольдік сапармен жүргелі отыр. Үлкен жолға әзірлік жұмыстарын жүргізіп жатқан Әкемтеатрдың бұл өңірге осыдан 12 жыл бұрын жолы түскен екен. Биылғы гастрольдік сапардың шымылдығы – Атырау қаласындағы Махамбет Өтемісұлы атындағы Атырау облыстық қазақ драма театрында ашылады.  

Қазақтың Мемлекеттік М.Әуезов атындағы академиялық драма театры Атырау қаласына гастрольдік сапармен жүргелі отыр. Үлкен жолға әзірлік жұмыстарын жүргізіп жатқан Әкемтеатрдың бұл өңірге осыдан 12 жыл бұрын жолы түскен екен. Биылғы гастрольдік сапардың шымылдығы – Атырау қаласындағы Махамбет Өтемісұлы атындағы Атырау облыстық қазақ драма театрында ашылады.  

– Бұл жолы мақсатымыз – Атырау өңірі көрермендерімен кездесіп, олардың алдында есеп беріп қайту, – дейді театрдың кеңесшісі, Қазақстанның халық әртісі Есмұхан Обаев

Теңіз жағалауындағы көрермен назарына театр 9 қойылым ұсы­натын болады. Олар – «Бей­барыс Сұлтан» (Р.Отарбаев, ре­жис­сері Ю.Ханинга-Бек­назар), «Ымырттағы махаббат» (Г.Гаупт­ман, режиссері Р.Ан­дриа­сян), «Жау­жүрек» (Д.Исабеков, режис­сері Е.Обаев), «Империядағы кеш» (С.Асылбекұлы, режиссері А.Кә­кі­шева), «Тендерге түс­кен келіншек» (М.Сәрсеке, ре­жис­сері О.Кенебаев), «Үміт үз­гім келмейді» (Н.Келімбетов, ре­жис­серлері Е.Обаев, Т.Аралбай), «Ар­шын мал алан» (Ү.Ғаджыбеков, режиссері Т.әл-Тарази), «Ұлы мен ұры» (Т.Әбдіков, режиссерлері Е.Обаев, Е.Нұрсұлтан) және «Қыз мұңы» (И.Сапарбай, режиссерлері Е.Обаев, Т.Аралбай) спектакльдері.

Сөз ретіне орай, театрда қазіргі қазақ драматургиясының озық де­ген туындылары түгелдей дер­лік қойылып жүргендігін айтуға бо­лады. Ұжым талантты жастар­мен толығуда. Гастрольдің жұмыс­тарын ұйымдастыруда «Көрермен» агент­тігінің» қызметкерлері жар­намалық жұмыстарын жан-жақты жүргізуде. Мәселен, театр өкілдері баннер, афишалардың бұрын-соңды болмаған жарнамалары Атырау қаласының орталық көшелеріне ілінгендігін айтады.

Соңғы кездері театрдың гас­трольдік жүйесі қайта жанданып келе жатқаны байқалды. Бұған дейін де Мәдениет және ақпа­рат министрлігінің қолдауымен театр Солтүстік Қазақстан, Ақтөбе, Қарағанды, Маңғыстау, Павлодар, Батыс Қазақстан, Оңтүстік Қа­зақстан, Жамбыл, Алматы облыстарында және елордамыз Астанада өнер көрсеткен болатын.

Міне, осылай театр алдағы 88-ші театр маусымының ашылу қарсаңында, көрерменге жаңаша қызмет көрсетудің өзгеше үлгілерін таңдап, сол бағытта жаңа жобалар бойынша қауырт жұмыстарды жүргізіп жатыр.

Айнаш ЕСАЛИ,

«Егемен Қазақстан».

АЛМАТЫ.