Алматы қаласының бас санитарлық дәрігері Жандарбек Бекшин Денсаулық сақтау вице-министрі болған Камалжан Надыровтың соңғы күндері қай облыстарда болғанын айтты.
- Коронавирус инфекциясын жұқтырған экс-вице-министр Камалжан Надыров министр Елжан Біртановтың тапсырмасымен Қарағанды, Жамбыл, Алматы облыстарында және 1 күн Алматы қаласында болды, - деді Жандарбек Бекшин.
Оның айтуынша Камалжан Надыровпен байланыста болған Тауарлар мен қызметтердің сапасы мен қауіпсіздігін бақылау департаментінің барлық қызметкерлері коронавирусты анықтауға арналған тесттен өтті. Нәтижелері кейінірек белгілі болады.