Мемлекеттік бас санитарлық дәрігер Айжан Есмағамбетова мамыр айының соңына дейін індет жұқтырғандар саны 4 мыңға жетуі мүмкін екенін айтты.
«Бүгінде Қазақстан эпидемияның өршу кезеңінде тұр. Жұқтыру деңгейі 8 пайызды құрайды. Десек те індеттің өршуін, шарықтау шегі мен төмендеуін наурыз, сәуір және мамыр айларында өткереміз. Болжам бойынша сәуір айының соңына дейін 2700 адамға дейін коронавирус инфекциясын жұқтыруы мүмкін. Мамыр айының соңына дейін індет жұқтырғандар саны 4 мыңға жетуі ықтимал», - деді Айжан Есмағамбетова.