Төтенше жағдай режимін қамтамасыз ету жөніндегі жедел штабтың хабарлауынша, бүгін, 23 сәуірде Атырау облысында коронавирустан тағы екі адам жазылып шықты.
Аурудан айыққандардың бірі – облыстық аурухананың 37 жастағы медбикесі, екіншісі – 18 жастағы жергілікті тұрғын. Екеуіне жасалған ем-шарадан соң, тест нәтижесі Covid-19 жоқ екенін көрсеткен. Қазір екеуі де инфекциялық стационардан шығарылды.
Сондай-ақ 23 сәуір, сағат 13.00-дегі мәліметке сәйкес, инфекциялық стационарда коронавирус жұқтырған 51 науқас емделуде. Ал, провизорлық стационарда ЖРВИ белгілері бар 16 адам, карантиндік стационарда 103 жергілікті тұрғын бар. Сондай-ақ 2843 адам үй карантинінде жатыр.