Бала алмастыратын да бюро бар екен

Әлемге әйгілі Reuters агенттігі тілшілерінің 18 ай бойы жүргізген журналистік зерттеулері осындай тұжырымға тоқтам жасатты. Олар мұны асырап алған балалары өздерінің көңілдерінен шыға қоймаған бірқатар өкіл ата-аналар онлайн-топтарының халықаралық Yahoo Groups және Facebook әлеу­мет­тік интернет-желілерінің амери­калық секторындағы іс-әрекеттерін қадағалау арқылы анықтап отыр. 

Әлемге әйгілі Reuters агенттігі тілшілерінің 18 ай бойы жүргізген журналистік зерттеулері осындай тұжырымға тоқтам жасатты. Олар мұны асырап алған балалары өздерінің көңілдерінен шыға қоймаған бірқатар өкіл ата-аналар онлайн-топтарының халықаралық Yahoo Groups және Facebook әлеу­мет­тік интернет-желілерінің амери­калық секторындағы іс-әрекеттерін қадағалау арқылы анықтап отыр.  

Мұндай ата-аналар интернет пайдаланушылардың жабық форумдарында шамамен: «Біз Ресейден (мұның Қытай, Қазақстан, Камбоджа деген нұсқалары да бар) бір қыз асырап алып едік, бірақ, өкінішке қарай, онда неврологиялық проблемалар бар екен. Өтінеміз, соны басқа отбасыларына ауыстырып бе­ру­ге көмектесіңіздерші», деген мазмұндағы хабарландырулар­ды жариялап тұратын болып шық­ты. Америкадағы бала асырап алу­шы­лардың арасында кейде өз мүм­кіндіктерін дұрыс есептемей, бірнеше бала асырап алғандарынан туындап отырған қиындықтарды жеңудің мүмкін болмай бара жатқанына шағынатындар да кездеседі. Бұлар да «артық баланы» алғысы келетін адамдарды іздестіреді. Алайда, олар бұл тірліктерінің бәрін заңның араласуынсыз, ешбір ың-шыңсыз, жұрт көзінен тасада атқарғылары келеді.

Журналистер тек Yahoo Groups әлеуметтік желісінің бір тобының өзінен осындай 5029 хабарламаны зерттей келіп, мұндағы әңгімелердің кейбір ата-аналардың асырап алған балаларын басқа отбасыларына өткізулерімен ғана шектеліп қалмай, көп жағдайда олардың өздерін «әб­ден жалықтырған» немесе «артық бо­лып шыққан» жасөспірімді бас­қа біреулерге тікелей сатуға шы­ға­рулары туралы болып отыратынына көз жеткізген. Тексеру сондай-ақ мұндай қақпақылға ұшырайтын сә­би­лердің көбіне-көп Ресейден, Ук­раи­надан, Қазақстаннан, Африка ел­­дері мен Қытайдан әкелінгендер ара­­сынан шығатынын да көрсетіп берген.

Міне, осы жайлардың өзі бізге ше­тел­діктерге асырауға бала беру жайы­­на қайта оралып, оған қатаң қа­рау­ды немесе тоқтатуды талап етсе керек.

Сұлтан БОЗАЙҒЫР.