Өңірлік жедел ақпарат штабының xабарлауынша, 1962, 1975 және 1990 жылғы үш әйелдің және 11 жастағы оқушы қыздың індет жұқтырғаны расталды.
Төртеуі де 14 сәуірден бері карантиндік стационарда жатқан және бұған дейін ауырған науқастармен байланыста болған.
Емдеу шаралары бекітілген хаттамаға сай жүргізіледі. Эпидемияға қарсы іс-шаралар жалғасуда. Соңғы жағдай бойынша COVID-19 инфекциясы 49 адамнан анықталды, олардың ішінде 3 адам сауығып шықты.