Қазақстан футболының 100 жылдығына арналып Семейде 21-22 қыркүйек күндері өткелі тұрған салтанат тікелей эфирден көрсетіледі. Бұл туралы YK-news.kz тілшісі хабарлады.
Шығыс Қазақстан облыстық туризм, дене шынықтыру және спорт басқармасының бастығы Әбіл Дөңбай журналистермен кездесуде бұл жөнінде «KAZsport» телеарнасымен арнайы келісімге қол қойылғанын айтты.
«21 қыркүйек күні 18 сағат 30 минутта «Спартак» стадионында ашылатын салтанатты рәсім осы арна арқылы тікелей эфирден көрсетіле бастайды, - деді Әбіл Бекетұлы. – Ол бір жарым сағатқа созылады. Бағдарламада қарастырылған басқа оқиғалар көрсетілмейді».
Дамир Қожамқұл.