Таяуда Қоршаған ортаны қорғау министрі Нұрлан Қаппаров С.Сейфуллин атындағы Қазақ агротехникалық университетінің студенттерімен бірге Есіл өзеніне Майбалық балық тәлімбағында өсірілген 20 мың шабақ жіберу акциясына қатысты.
Таяуда Қоршаған ортаны қорғау министрі Нұрлан Қаппаров С.Сейфуллин атындағы Қазақ агротехникалық университетінің студенттерімен бірге Есіл өзеніне Майбалық балық тәлімбағында өсірілген 20 мың шабақ жіберу акциясына қатысты.
Бұл шара ТМД елдерінде экологиялық мәдениет және қоршаған ортаны қорғау жылы шеңберінде өткізілді.
Биылғы жылы балық ресурстарын және басқа да су жануарларын сақтау және ұдайы өндіру жөніндегі бюджеттік бағдарлама аясында Ақмола облысының негізгі су көздеріне – Нұра және Есіл өзендеріне, Вячеслав су қоймасына Майбалық балық тәлімбағында өсірілген тұқы (карп) балығының 41 млн. шабағы жіберілді.
Еліміздің су көздерін балықтандыру жұмыстарын Қоршаған ортаны қорғау министрлігінің балық шаруашылығы комитетіне қарасты ұдайы өндіріс жүйесінің 7 кәсіпорны жүргізіп келеді.
Биыл балықтың бекіре, сиг, тұқы тұқымдас, сондай-ақ, дөңмаңдай және ақ амур сынды өсімдікпен қоректенетін құнды су көздерін балықтандыруға берілген мемлекеттік тапсырыстың жалпы көлемі 158 миллионнан астам дананы құрады.
«Егемен-ақпарат».