• RUB:
    4.86
  • USD:
    441.66
  • EUR:
    475.14
Басты сайтқа өту
Қазақстан 02 Мамыр, 2020

Таулы аудандардағы өзендерде су деңгейінің көтерілуі күтіледі - Қазгидромет

300 рет
көрсетілді

2020 жылдың 2-8 мамыр аралығында Қазақстан аймағының басым бөлігі Мәскеу аудандарынан циклонның ықпалында болады. Осыған байланысты, найзағай ойнап, екпінді жел тұрып, бұршақ жаууы мүмкін: оңтүстікте – дауылмен; шығыста, оңтүстікте және оңтүстік-шығыста – кей жерлерде қатты жаңбыр күтіледі. Бұл туралы «Қазгидромет» РМК баспасөз қызметі хабарлады.

Шығыс-Қазақстан, Алматы, Түркістан және Жамбыл облыстарының таулы және тау бөктеріндегі аудандарында өзендерде су деңгейінің көтерілуі және бүйірілік ағынның қалыптасуы күтіледі.

Қазақстанға аралықтың ортасында Жаңа Жер аралынан суық антициклон таралады. Оның келуімен жауын-шашынның тоқтатылуы, сондай-ақ ауа температурасының түнгі сағаттарда минусқа дейін төмендеуі күтіледі. Аралықтың соңында оңтүстіктен жылы ауа массаларының  шығарылуымен температуралық фонның жоғарылауы күтіледі.

Қазақстанның көптеген облыстарында көктемгі су тасу аралығы аяқталды. Тек Солтүстік-Қазақстан және Шығыс-Қазақстан облыстарында су тасу аралығы мамыр айының бірінші онкүндігіне дейін жалғасады.

Сондай-ақ Ақмола облысының өзендерінде көктемгі су тасу шыңы өтті. Нұра және Есіл өзендері деңгейінің одан әрі ауытқуы болжануда, бұл өзендердің жоғарғы жағына қарай жылжу толқыны есебінен болады.

Соңғы жаңалықтар