Венесуэла президенті Николас Мадуро БҰҰ Бас Ассамблеясына бармақ болған өз әкімшілігінің жетекшісі Вильмер Баррьентосқа АҚШ билігі тарапынан виза берілмеуіне наразылық білдірді. Бұл туралы ИТАР-ТАСС хабарлады.
«Біз АҚШ-қа саяхатшы ретінде бармаймыз, Венесуэла делегациясы ірі халықаралық ұйымның жұмысына қатыспақшы, – деді Николас Мадуро. Сонымен бірге, ол АҚШ-тың Баррьентосқа виза беру мәселесін шешпеген жағдайда, Венесуэла тарапынан дипломатиялық үлгіде қатаң шаралар қолданылатынын алға тартты.
Бүгін Венесуэла сыртқы істер министрі Николас Мадуроның ұшағына Пуэрто-Рико мемлекетінің әуе кеңістігінен ұшып өтуіне АҚШ-тың тиым салғанын мәлімдеді. «Пуэрто-Рико АҚШ-қа тәуелді аймақ, алайда ол Американың ажырамас бөлігіне жатпайды», – деді сыртқы істер министрі. Ол сондай-ақ бұл әрекетті АҚШ тарапынан көрсетіліп отырған «агрессия» деп есептейтінін айтты.
Айдар Өрісбаев.