Кеше Ақтөбеге Қостанай облысы арқылы өтіп бара жатқан «Хонда» автокөлігі жойқын жол апатына ұшырады. Көлік тізгінінде 29 жастағы Атырау тұрғыны болған.
«Қостанай-Қарабұтақ» бағытындағы тас жолдың 334-шақырымында жүргізуші рөлге ие бола алмай қалып, жол жөндеу жұмыстарын жүргізіп жатқан «КамАЗ» жүк көлігіне соғылған.
Полиция департаменті баспасөз қызметінің хабарлауынша, «Хонда» жүргізушісі мен оның жолаушысы апат орнында көз жұмған. Жеңіл көлікте болған 29 жастағы тағы бір жолаушы мен жол мекемесінің екі жұмысшысы аудандық ауруханаға жеткізілді.
Қостанай облысы