Бүгін, яғни 8 мамырда Қарағанды облысында алты адамның коронавирус инфекциясын жұқтырғаны анықталды, деп хабарлады облыс әкімінің баспасөз қызметі.
Паценттердің барлығы Теміртау қаласының тұрғындары. Олардың екеуі 1957 және 1990 жылдары туған ер адамдар. Сондай-ақ, ауырған екі баланың бірі 12 жаста болса, екіншісі 4 жасқа толған. Жұқтырғандардың арасында 1960 жылы туған әйел мен жеті жастағы қыз бала да бар.
Бүгінге жеткен мәліметке сай, Қарағанды облысында COVID-19 дертін жұқтырудың 186 оқиғасы тіркелген. Оның ішінде үш адам көз жұмды және 83 пациент пандемиядан сауығып шықты.