Ғарышта Ресейдің «Фрегат» үдеткіш блогының жанармай багында жарылыс болып, нәтижесінде 65 сынық пайда болған. Бұл туралы ТАСС агенттігі АҚШ-тың әскери қарулы күштеріне сілтеме жасап хабарлады.
Америкалық әскерилердің мәліметтерінше, оқиға 8 мамырда болған.
Бұл үдету блогын 1990 жылдары С. А. Лавочкин атындағы ғылыми-өндірістік бірлестігі жасап шығарған. Негізінен үдету блогы зымыран тасығыштың құрамында қосымша рөл атқарады. Олар ғарыш аппараттарын жер маңындағы орбиталардың кең спектріне, сондай-ақ планетааралық траекторияға шығаруды қамтамасыз етеді.