Премьер-Министрдің орынбасары Ералы Тоғжанов төтенше жағдай кезінде қазақстандықтарға көрсетілген әлеуметтік көмектер жайында айтты.
- «BizBirgemiz» жобасы аясында 363 мыңдай адамға 818 млрд теңге көлемінде көмек көрсетілді. Әлеуметтік жағдайы төмен отбасыларға 5 млн маска тегін таратылды. Алдыңғы шепте жүрген 2000-нан астам дәрігерлерге қаржылай көмек көрсетілді. Сонымен қатар Қасым-Жомарт Тоқаевтың тапсырмасымен барлық өңірлерде азық-түлік тауарларының тұрақтылық қорлары құрылды. Халықтың негізгі азық-түлік тауарларымен тұрақты түрде бүгінде қамтамасыз етуде, - деді Ералы Тоғжанов.
Сондай-ақ ол әлеуметтік маңызы бар азық-түлік тауарларының 19 түрі бойынша қосымша құн салығы жыл соңына қарай 12 пайыздан 8 пайызға дейін төмендетілгенін айтып өтті.
- Тауар өндірушілерге 8,7 млрд теңгеге көмек көрсетілді. Жоспарланған көктемгі егіс науқаны үшін қазақстандық фермерлерге «Аграрлық несие корпорациясы» арқылы 5 пайыздан аспайтын мөлшерде 70 млрд теңге бөлінді. Бұл жылдағы қалыптан 10 пайызға көп. Аталған нақты шаралармен 2405 нақты осы ауыл шаруашылық субъектілері қамтылды, - деді ол.