Теңіз кенішінің жұмысшыларынан тағы да қауіпті індеттің белгісі табылды.
Төтенше жағдай режимін қамтамасыз ету жөніндегі өңірлік жедел штабтың мәліметінше, Теңіз кенішінде жұмыс істеген 84 жұмысшының коронавирус инфекциясын жұқтырғаны белгілі болды.
«Тағы екі науқас – 1986, 1997 жылғы әйелдер. Олар провизорлық стационарға жұмыс бабымен жіберілген облыстық аурухананың санитары мен лаборанты» - деп хабарлады жедел штабтан.
Бүгін, 18 мамырда Атырау облысында коронавирус инфекциясын жұқтырған 627 адам тіркелді. Ал, 165 адам қауіпті індетті жеңіп шықты.